Connect with us

General News

ഒന്നര വയസുകാരിയുടെ മരണം;പിതാവ് വെള്ളത്തിലേക്ക് കുട്ടിയെ തള്ളിയിടുകയായിരുന്നു എന്ന് കുട്ടിയുടെ മാതാവ്

Published

on

പാത്തിപാലത്ത് ഒന്നരവയസുകാരിയെ മുങ്ങി മരിച്ച നിലയിൽ കണ്ടത്തിയ സംഭവത്തിൽ വെളിപ്പെടുത്തലുമായി കുട്ടിയുടെ മാതാവ് .കുട്ടിയുടെ പിതാവ് ഷിജു തന്നെയും കുട്ടിയേയും വെള്ളത്തിലേക്ക് തള്ളിയിടുകയായിരുന്നു എന്നാണ് കുട്ടിയുടെ മാതാവ് സോനാ പറയുന്നത് .പ്രതിക്കായി പോലീസ്  തിരച്ചിൽ ശക്തമാക്കിയിട്ടുണ്ട്.പാത്തിപ്പാലം വള്ള്യായി റോഡില്‍ ജല അതോറിറ്റി ഭാഗത്തെ പുഴയില്‍ വീണ നിലയിലാണ് സോനയെയും കുഞ്ഞിനെയും കണ്ടത്.

ഇന്നലെ വൈകിട്ട് 6 മണിയോടെയാണ് സംഭവം നടക്കുന്നത് . തലശ്ശേരി കോടതി ജീവനക്കാരന്‍ .ഷിജുവിന്റെ ഭാര്യയും ഈസ്റ്റ് കതിരൂര്‍ എല്‍.പി. സ്‌കൂള്‍ അധ്യാപികയുമായ സോന  യും മകള്‍ ഒന്നരവയസ്സുകാരി അന്‍വിതയുമാണ് പുഴയില്‍ വീണത്.ഷിജുവിന്റെ ബൈക്കിലായിരുന്നു ഇവർ മൂന്നുപേരും കുടി പുഴക്കരയിൽ എത്തിയിരുന്നത് .ഭാര്യയെയും കുഞ്ഞിനേയും പുഴയിലേക്ക് തള്ളിയിട്ടതിന് ശേഷം ഷിജു ഓടി രക്ഷപെടുകയായിരുന്നു .പ്രതിയുടെ ബൈക്ക് പുഴക്കരയിൽ നിന്നും കണ്ടെടുത്തിട്ടുണ്ട് .

പുഴയിൽ വീണ സോനയുടെ കരച്ചിൽ കേട്ടെത്തിയ നാട്ടുകാരാണ് സോനയെ രക്ഷപെടുത്തിയത് .കുഞ്ഞിനായി നാട്ടുകാർ തിരച്ചിൽ നടത്തിയെങ്കിലും കണ്ടെത്താനായില്ല .തുടർന്ന് ഫയർ ഫോഴ്‌സിനെ വിവരമറിയിച്ചു .ഫയർഫോഴ്‌സ് നടത്തിയ തിരച്ചിലിലാണ് കുട്ടിയുടെ മൃതദേഹം കണ്ടെത്തിയത് .സോനയുടെ ഭര്‍ത്താവ് ഷിജുവിനെ  ഇതുവരെയും കണ്ടെത്തിയിട്ടില്ല. ഇയാളുടെ മൊബൈല്‍ ഫോണ്‍ ഓഫായ നിലയിലാണ്.ഇയാളെ കണ്ടെത്തിയാൽ മാത്രമേ കൂടുതൽ കാര്യങ്ങൾ അറിയാൻ സാധിക്കു എന്ന് പോലീസ് അറിയിച്ചു .പ്രതിയെ പിടിക്കാനായി പോലീസ് തിരച്ചിൽ ഊർജ്ജിതമാക്കിയിട്ടുണ്ട് .

General News

വ്യാജ പ്രചാരണം:’നോ ഹലാൽ’ തുഷാരയും ഭർത്താവും അറസ്റ്റിൽ

Published

on

നോ ഹലാൽ ബോർഡ് വച്ചതിന് ജിഹാദികൾ ആക്രമിച്ചു എന്ന് വ്യാജ പ്രചാരണം നടത്തിയ കേസിൽ തുഷാരയും കൂട്ടരും അറസ്റ്റിൽ . ഹോട്ടല്‍ നടത്തിയിരുന്ന തുഷാരയും ഭര്‍ത്താവ് അജിത്തും കൂട്ടാളികളുമാണ്  അറസ്റ്റിലായത്.ഇന്ന് പുലർച്ചയോടെയാണ് ഇവരെ പോലീസ് അറസ്റ്റ് ചെയ്തത് .പാലക്കാട് ഒളിവിൽ കഴിയവെയാണ് പോലീസ് ഇവരെ പിടികൂടിയിരിക്കുന്നത് .

ഫേസ്ബുക്കിലൂടെ വിദ്വേഷ പ്രചരണം നടത്തിയതിനും , പ്രശ്നത്തെ വർഗീയ വത്കരിക്കാനും ശ്രമിച്ചതിന്  തുഷാരയ്‌ക്കെതിരെ ജാമ്യമില്ലാ വകുപ്പ് പ്രകാരവും മറ്റുള്ളവര്‍ക്കെതിരെ വധശ്രമത്തിനുമാണ് കേസ് എടുത്തിരിക്കുന്നത് .കൂടാതെ മോഷണം അടക്കമുള്ള കേസുകളും ഇവർക്കെതിരെ ചാർത്തിയിട്ടുണ്ട് .

രണ്ടു കടക്കാർ തമ്മിലുണ്ടായ തർക്കമായിരുന്നു അവിടെ നടന്നത് .കൂടാതെ തുഷാരയും കൂട്ടരും ചേർന്ന് രണ്ടു യുവാക്കളെ വെട്ടി പരിക്കേൽപ്പിക്കാനും ശ്രമിച്ചിരുന്നു .എന്നാൽ തുഷാര ആശുപത്രിയിൽ വെച്ച് ഫേസ്ബുക്കിലിട്ട ലൈവിൽ പറഞ്ഞത്  ജിഹാദികളുടെ ആക്രമണത്തിൽ തനിക്ക് പരിക്കേറ്റു എന്നായിരുന്നു .നോ ഹലാൽ ബോർഡ് വെച്ചതിന് തന്നെ മർദിച്ചു എന്നുമായിരുന്നു .എന്നാൽ  ഇതെല്ലം നുണക്കഥയാണെന്ന് പോലീസ് കണ്ടത്തുകയായിരുന്നു .തുടർന്ന് തുഷാരയും അജിത്തും ഒളിവിലായിരുന്നു .

കെട്ടിടത്തര്‍ക്കത്തെ തുടര്‍ന്നുണ്ടായ സംഭവം മറച്ചുവെച്ച് മനപൂര്‍വം വർഗീയ വത്കരിക്കാൻ ശ്രമിച്ചു എന്നതിന്റെ പേരിലാണ് ഇവർക്കെതിരെ കേസ് എടുത്തിരിക്കുന്നത് .തുഷാര ഫേസ്ബുക്കിലിട്ട വീഡിയോ വൈറലായി മാറിയതോടെ നിരവധി പേരായിരുന്നു തുഷാരക്ക് പിന്തുണയുമായെത്തിയത് എന്നാൽ ഇവരെയെല്ലാം വളരെ വിതക്തമായി തന്നെ  പറ്റിക്കുകയായിരുന്നു തുഷാര .

Continue Reading

Latest News

Trending