ബിഗ് ബോസ് സീസൺ മൂന്നിലെ മികച്ച മത്സരാര്ഥികളിൽ ഒരാളാണ് ഡിംപൽ ഭാൽ. കുടുംബമാണ് തൻറെ ശക്തി എന്ന് ആവർത്തിച്ചു പറയുന്ന ഡിംപലിന്റെ ജീവിതത്തിലെ ഏറ്റവും വലിയ പിന്തുണയാണ് നഷ്ടമായിരിക്കുന്നത്. കഴിഞ്ഞ ദിവസം ആയിരുന്നു ടിമ്പലിന്റെ അച്ഛൻ മരണപ്പെട്ടത്, ഇത് ടിമ്പലിനെ അറിയിക്കാൻ ആയി ബിഗ്‌ബോസ് കണ്‍ഫെഷന്‍ റൂമിലേക്ക് ഡിംപലിനെ വിളിപ്പിച്ചതിന് ശേഷം വീട്ടില്‍ നിന്നുമൊരു ഫോണ്‍ സന്ദേശം ഉണ്ടെന്ന് അറിയിക്കുന്നു. ഇത്രയും കേട്ടപാടെ അസ്വസ്ഥയായ ഡിംപല്‍ മുഖത്തിരുന്ന കണ്ണട വലിച്ചൂരി എടുക്കുന്നു.
പപ്പ മരിച്ച് പോയി എന്ന് സഹോദരി തിങ്കള്‍ പറഞ്ഞപ്പോള്‍ ആദ്യം അതുള്‍ക്കൊള്ളാന്‍ ഡിംപലിന് സാധിച്ചില്ല. ആരാണെന്ന് വീണ്ടും ചോദിച്ചപ്പോള്‍ പപ്പയാണെന്ന് പറഞ്ഞു. ഇതോടെ വികാരങ്ങളെ നിയന്ത്രിക്കാന്‍ പോലും പറ്റാതെ ഡിംപല്‍ പൊട്ടിക്കരഞ്ഞു. എന്റെ പപ്പാ… എന്ന് വിളിച്ചാണ് താരം അലറി കരയുന്നത്.പ്രേക്ഷകരുടെ ഹൃദയം തകര്‍ത്തുള്ള കാഴ്ചയായിരുന്നു അവിടെ നടന്നത്. പപ്പയുമായി ഏറെ ആത്മബന്ധമുള്ള ഡിംപല്‍ കഴിഞ്ഞ ദിവസവും പിതാവിനെ കുറിച്ച് പറഞ്ഞിരുന്നു. താന്‍ ടാസ്‌കില്‍ നന്നായി പ്രകടനം നടത്തിയത് കണ്ട് ഏറ്റവും കൂടുതല്‍ സന്തോഷിക്കുന്നത് പപ്പ ആയിരിക്കുമെന്നാണ് ഡിംപല്‍ പറഞ്ഞത്.
എന്നാല്‍ അന്ന് രാത്രി തന്നെ പിതാവിന്റെ വേര്‍പാടുണ്ടാവുകയായിരുന്നു.ഡിംപലിന്റെ പപ്പയുടെ വേർപാടിൽ ആദരാഞ്ജലികൾ നേർന്നുകൊണ്ട് നിരവധി ആളുകൾ ആണ് രംഗത്ത് വരുന്നത്. ബിഗ്‌ബോസ് മത്സരാർത്ഥി ആയിരുന്ന ലക്ഷ്മി ജയനും സോഷ്യൽ മീഡിയ വഴി ആദരാജ്ഞലികൾ നേർന്നു. ഞങ്ങൾക്ക് മുൻപിൽ നിന്നും പോയെങ്കിലും ഒരിക്കലും ഞങ്ങളുടെ ഹൃദയത്തിൽ നിന്നും പോകാൻ കഴിയില്ല. ആർ ഐപി അങ്കിൾ എന്നാണ് ലക്ഷ്മി കുറിച്ചത്.
