ജയറാം-പാര്‍വതി ജോഡികളുടെ സിനിമകളെല്ലാം ഇപ്പോഴും മലയാളികള്‍ക്ക് പ്രിയപ്പെട്ടതാണ്. ജീവിതത്തിലും ഒന്നിച്ച ഈ താരദമ്പതികള്‍ മാതൃകാദമ്പതികളാണ്. കാളിദാസ്, മാളവിക എന്നിങ്ങനെ രണ്ട് മക്കളും ഇവര്‍ക്കുണ്ട്. കാളിദാസ് സിനിമാരംഗത്ത് സജീവമാണെങ്കിലും മാളവിക ഇതുവരെ സിനിമയിലേക്കെത്തിയിട്ടില്ല.
സോഷ്യല്‍ മീഡിയയില്‍ ഏറെ സജീവമായ മാളവികയുടേയും കാളിദാസിന്റെ പോസ്റ്റുകള്‍ ഇരുകയ്യും നീട്ടിയാണ് ആരാധകര്‍ സ്വീകരിക്കാറുള്ളത്. സിനിമയേക്കാള്‍ മോഡലിംഗാണ് തനിക്ക് ഏറെ ഇഷ്ടമെന്ന് മാളവിക പലവട്ടം തുറന്ന് പറഞ്ഞിട്ടുള്ളതുമാണ്. ഇപ്പോഴിതാ, അപ്പായുടേയും അമ്മയുടേയും സിനിമകളേക്കാള്‍ തനിക്കേറെയിഷ്ടം മറ്റൊന്നാണെന്ന് വെളിപ്പെടുത്തിയിരിക്കുകയാണ് മാളവിക.
സിനിമകളേക്കാള്‍ തനിക്കിഷ്ടം അമ്മയുടെയും അപ്പയുടെയും കല്യാണ കാസറ്റ് ആണെന്ന് പറയുകയാണ് മാളവിക. അത് കണ്ട് ഞാന്‍ അപ്പയെയും അമ്മയെയും നന്നായി കളിയാക്കാറുണ്ട്. അന്ന് അപ്പ മേക്കപ്പ് ഒക്കെ ചെയ്ത് സുന്ദരനായി ഇരിക്കുകയാണ്. അമ്മയാണെങ്കില്‍ ടെന്‍ഷനടിച്ച് ഇരിക്കുകയായിരുന്നു എന്നും മാളവിക പറയുന്നു.
പത്ത് വയസുള്ളപ്പോഴാണ് അമ്മ ഓര്‍മ്മയ്ക്കായി എന്ന സിനിമ കാണുന്നത്. ഭരതന്‍ സംവിധാനം ചെയ്ത ആ ചിത്രത്തില്‍ ഭരത് ഗോപിയുടെയും സൂസന്നയുടെയും മകളുടെ പേര് ചക്കി എന്നാണ്.
കണ്ണീരോടെ ആ സിനിമ കണ്ട അമ്മ തനിക്കൊരു മകളുണ്ടായാല്‍ അവള്‍ക്ക് ചക്കി എന്ന് പേരിടും എന്ന് തീരുമാനിക്കുക ആയിരുന്നു എന്നും മാളവിക പറയുന്നു.
