യുവ കൃഷ്ണയും മൃദുലയും ജീവിതത്തില് ഒന്നിക്കുന്നുവെന്നറിഞ്ഞതോടെ ആരാധകര്ക്ക് സന്തോഷമായിരുന്നു. സ്ക്രീനില് ഒരുമിച്ച് അഭിനയിച്ചിരുന്നില്ലെങ്കിലും ജീവിതത്തില് ഒന്നാവുകയാണ് തങ്ങളെന്നായിരുന്നു ഇരുവരും പറഞ്ഞത്. രേഖ രതീഷായിരുന്നു ഇവരുടെ വിവാഹത്തിന് കാരണക്കാരിയായത്. യുവയുമായും മൃദുലയുമായും സൗഹൃദമുണ്ട് രേഖയ്ക്ക്. ഇരുവരുടേയും അമ്മയായി അഭിനയിച്ച് വരികയാണ് രേഖ. സ്ക്രീനില് മാത്രമല്ല ജീവിതത്തിലും മകനാണ് യുവ. മൃദുലയേയും തനിക്ക് അടുത്തറിയാമെന്നും രേഖ രതീഷ് പറഞ്ഞിരുന്നു. യുവയുടേയും മൃദുലയുടേയും വിവാഹനിശ്ചയ ചിത്രങ്ങളും വീഡിയോയും സോഷ്യല് മീഡിയയിലൂടെ വൈറലായി മാറിയിരുന്നു. ഇപ്പോഴിതാ തങ്ങളുടെ വിവാഹവുമായി ബന്ധപ്പെട്ടുള്ള ചോദ്യങ്ങള്ക്ക് മറുപടി നല്കിയിരിക്കുകയാണ് യുവയും മൃദുലയും.
എപ്പോഴായിരിക്കും വിവാഹം എന്ന ചോദ്യത്തിന് 2021 ല് ഉണ്ടാകും എന്നായിരുന്നു ഇരുവരും നല്കിയ മറുപടി. അതേസമയം വിവാഹ തിയ്യതി പുറത്ത് വിട്ടിരുന്നില്ല. ഇപ്പോഴിതാ ജൂലൈയില് തന്നെ വിവാഹമുണ്ടാകുമെന്നാണ് യുവ നല്കിയ മറുപടി. ഇതോടെ തങ്ങളുടെ പ്രിയതാരങ്ങളുടെ വിവാഹത്തിനായി കാത്തിരിക്കുകയാണ് ആരാധകര്.സോഷ്യല് മീഡിയയിലൂടെയായിരുന്നു യുവ ആരാധകരുടെ ചോദ്യത്തിന് മറുപടി നല്കിയത്. ഇരുവരും ജീവിതത്തിലെ പോലെ സ്ക്രീനിലും ഒരുമിക്കുമോ എന്നും ചിലര് ചോദിച്ചു.
ഒരുമിച്ചെത്താം പക്ഷെ ഹീറോയിന് വില്ലനെ പ്രണയിക്കണമെന്നായിരുന്നു യുവയുടെ മറുപടി. അടുത്തിടെ മൃദുല തന്നെ യുവ പെണ്ണുകാണാൻ വന്നപ്പോൾ ഉള്ള ഒരു വീഡിയോ പങ്കുവെച്ചിരുന്നു, വീഡിയോയിൽ പെണ്ണുകാണാൻ വന്ന സമയത്ത് യുവ മൃദുലയെ വട്ടം കറക്കിയത് കാണാമായിരുന്നു, പെണ്ണ് കാണാൻ വന്നപ്പോൾ ഉള്ള യുവയുടെ കുസൃതി എന്ന് പറഞ്ഞ് വീഡിയോ ഏറെ ശ്രദ്ധ നേടിയിരുന്നു, വിവാഹ പർച്ചേസിന് പോയപ്പോൾ മൃദുല മൂക്ക് കുത്തിയ വീഡിയോയും ഏറെ ശ്രദ്ധ നേടിയിരുന്നു, അലറി കരയുന്ന മൃദുലയെ ആണ് വീഡിയോയിൽ കാണാൻ സാധിച്ചത്