ഫഹദ് ഫാസിലിനെ നായകനാക്കി ലാല്ജോസ് സംവിധാനം ഡയമണ്ട് നെക്ലേസ് എന്ന സിനിമയിലൂടെ അഭിനയ രംഗത്തേക്ക് എത്തിയ താരമാണ് നടി അനുശ്രീ. പിന്നീട് സിനിമാ കരിയറില് അനുശ്രീ ഒരുപാട് ദൂരം മുന്നോട്ട് പോയി. സോഷ്യല് മീഡിയയില് ഏറെ സജീവമാണ് അനുശ്രീ. ഇപ്പോഴിതാ അടുത്ത ജന്മത്തില് തനിക്കൊരാളുടെ ഭാര്യയാകണമെന്ന കാര്യം അനുശ്രീ തുറന്ന് പറഞ്ഞിരിക്കുകയാണ്. മറ്റാരുമല്ല ആ ആള്. തമിഴ്നടന് സൂര്യ. അടുത്തിടെ ഒരു അഭിമുഖത്തില് ആയിരുന്നു അനുശ്രീയുടെ തുറന്നു പറച്ചില്.
അനുശ്രീയുടെ വാക്കുകള്-
എനിക്ക് അടുത്ത ജന്മം ജ്യോതിക ആകണം എന്നാണ് അനുശ്രി പറയുന്നത്. ഞാന് ജ്യോതിക ആയതിനു ശേഷം സൂര്യ വേറെ പോയി വിവാഹം കഴിച്ചത് കൊണ്ട് കാര്യം ഇല്ല. അതുകൊണ്ട് അടുത്ത ജന്മത്തിലും സൂര്യ ജ്യോതികയെ തന്നെ വിവാഹം കഴിക്കണം. അതേ സമയം താന് ഫ്രീ ആണെങ്കില് സമ്മതിക്കുന്ന രണ്ടു കാര്യങ്ങളാണ് അമ്പലത്തില് പൊങ്കാല ഇടുന്നതും സൂര്യ വരുന്ന പ്രോഗ്രാമിന് പങ്കെടുക്കുന്നതും. സൂര്യയെ തനിക്ക് അത്രക്ക് ഇഷ്ടമാണ്. നേരില് കണ്ടിട്ടുണ്ടെങ്കിലും ഒരിക്കല് പോലും ഒരുമിച്ചുള്ള ചിത്രം എടുക്കാന് കഴിഞ്ഞിരുന്നില്ല. കേരളത്തിലെ സൂര്യയുടെ ഫാന്സ് അസ്സോസിയേഷന് സൂര്യയുമായി ബന്ധപ്പെട്ട ഏത് ആഘോഷം വന്നാലും എന്നെ വിളിക്കാറുണ്ട്. സൂര്യയുടെ വലിയ ആരാധിക എന്ന നിലയില് എന്നെ വലിയ കാര്യമാണവര്ക്ക്. സൂര്യ അഭിനയിച്ച ഏതു ചിത്രം കണ്ടാലും അതിലെ നായിക താനാണെന് സങ്കല്പ്പിക്കും.