ഹംസധ്വനി എന്ന പാച്ചുവിൻറെ അത്ഭുത വിളക്ക് സമ്മാനിച്ച നായിക. അഞ്ജന ജയപ്രകാശ് നമ്മൾ മലയാളികളുടെ മനസ്സിൽ സ്ഥാനം പിടിച്ചു കഴിഞ്ഞു. ചിത്രത്തിലെ ഓഡിഷൻ വീഡിയോ പങ്കു വെച്ചിരിക്കുകയാണ് സംവിധായകൻ അഖിൽ സത്യൻ.

സിനിമയിൽ ഹംസധ്വനി പാച്ചുവിനോട് കാണാതായ തന്റെ അനിയനെ കുറിച്ച് പറയുന്ന സീനുണ്ട്. സിനിമയിലെ ഏറ്റവും ഹൃദയസ്പർശിയായ സീൻ, അതെ സീൻ തന്നെയാണ് അഖിൽ സത്യൻ ഓഡിഷന് ഭാഗമായി അഞ്ജനയ്ക്ക് നൽകിയതും.

എങ്ങനെയാണ് ഹംസധ്വനിയായി അഞ്ജന വന്നതെന്ന ഒരു ഫേസ്ബുക് കുറിപ്പും അഖിൽ പോസ്റ്റ് ചെയ്തിട്ടുണ്ട്. 2019ലെ ഒരു പാതിരാത്രിയിലാണ് കാസ്റ്റിംഗ് ഡയറക്ടർ സ്മിത അഞ്ജനയുടെ സെല്ഫ് ഓഡിഷൻ വീഡിയോ അയച്ച തരുന്നത് . വീഡിയോ കണ്ട പ്പോൾ തന്നെ പാച്ചുവിനായുള്ള പെർഫെക്റ്റ് ഹംസധ്വനിയെ കണ്ടെത്തുകയായിരുന്നു എന്ന് അഖിൽ സത്യൻ കുറിച്ചു