നായകനാവുന്ന പുതിയ ചിത്രം കങ്കുവയുടെ ചിത്രീകരണത്തിനിടെ നടന്‍ സൂര്യയ്ക്ക് പരിക്ക്. സിരുത്തൈ ശിവ സംവിധാനം ചെയ്യുന്ന കങ്കുവയുടെ ചിത്രീകരണം ചെന്നൈയിലെ സ്റ്റുഡിയോയില്‍ ധ്രുതഗതിയില്‍ പുരോഗമിക്കുന്നതിനിടെ ഇന്നലെ രാത്രി 11 മണിയോടെയാണ് അപകടം. ചിത്രീകരണത്തിനിടെ ഒരു റോപ്പ് ക്യാമാറാ പൊട്ടി സൂര്യയുടെ തോളിലേക്ക് വീഴുകയായിരുന്നെന്നാണ് റിപ്പോര്‍ട്ടുകള്‍. എന്നാല്‍ അദ്ദേഹത്തിന് നിസ്സാര പരിക്കുകളേ ഉള്ളൂവെന്നാണ് സൂചന. എന്നാല്‍ സിനിമയുടെ ചിത്രീകരണം നിര്‍ത്തിവച്ചിട്ടുണ്ട്. കങ്കുവയുടെ ചിത്രീകരണം അവസാനഘട്ടത്തിലേക്ക്കടന്നിരിക്കുകയായിരുന്നു. അതേസമയം സൂര്യയുടെ കരിയറിലെ ഏറ്റവും വലിയ സിനിമകളില്‍ ഒന്നായിരിക്കും കങ്കുവ. പിരീഡ് ആക്ഷന്‍ ഡ്രാമ വിഭാഗത്തില്‍ പെടുന്ന ചിത്രത്തില്‍ അഞ്ച് വ്യത്യസ്ത വേഷങ്ങളിലാണ് സൂര്യ എത്തുന്നത്. സൂര്യ എന്ന നടന്റെ മഹത്തായ യാത്രയിലെ ഒരു സുപ്രധാന നാഴികക്കല്ലായിരിക്കും ‘കങ്കുവ’ എന്ന വാഗ്ദാനം ചെയ്തുകൊണ്ടാണ് സംവിധയകാൻ സിരുത്തൈ ശിവ ഈ സിനിമ ഒരുക്കിയിരിക്കുന്നത് . ‘കങ്കുവ’ എന്ന ബിഗ് ബജറ്റ് ചിത്രം ഒരു മൾട്ടി-പാർട്ട് റിലീസിനായി സജ്ജമാക്കിയിരിക്കുകയാണ് ഈ സംവിധായകൻ .
ചിത്രത്തിന്റെ ആദ്യ അധ്യായം 2024 വേനലവധിക്ക് സ്‌ക്രീനുകളിൽ പ്രദർശിപ്പിക്കും,സിനിമാലോകത്തു ഒരു അത്ഭുതപൂർവ്വമായ യാത്രയ്ക്ക് തുടക്കം കുറിക്കുകയാണ് . കങ്കുവ’ 38 ഭാഷകളിൽ മാത്രമല്ല, ഇമേഴ്‌സീവ് ഐമാക്സ് ഫോർമാറ്റിലും, 2ഡി , 3ഡി പതിപ്പിലും പ്രദർശനം നടത്തും. ലോകമെമ്പാടുമുള്ള ഈ മഹത്തായ റിലീസ് ഇന്ത്യൻ സിനിമയ്‌ക്കായി ഇതുവരെ റിലീസ് ചെയ്യപ്പെടാത്ത പ്രദേശങ്ങളും ചാർട്ട് ചെയ്യാൻ ലക്ഷ്യമിടുന്നു. ഇത് ആഗോള സിനിമാറ്റിക് അനുഭവങ്ങളുടെ ഒരു പുതിയ യുഗത്തെ അറിയിക്കുന്നു. നവംബർ 12-ന് പുറത്തിറക്കിയ ദീപാവലി പോസ്റ്റർ ‘കങ്കുവ’യുടെ ഗംഭീര വരവാണു കാണിച്ചിരിക്കുന്നത് . 2024 ഏപ്രിൽ 11 ന് ഈ സിനിമ റിലീസ് ചെയ്യുന്നതിനെ കുറിച്ചും സൂചനകൾ നൽകുന്നുണ്ട് . ഈ ബിഗ് ബജറ്റ് സിനിമയുടെ വിസ്മയിപ്പിക്കുന്ന കാഴ്ചകൾക്കായി ആകാംക്ഷയോടെയാണ് സിനിമാപ്രേമികൾ കാത്തിരിക്കുന്നത്.1000 വർഷങ്ങൾക്ക് മുമ്പുള്ള കാലഘട്ടത്തിലൂടെ സഞ്ചരിക്കുന്ന ‘കങ്കുവ’ യിൽ ഒരു യോദ്ധാവായാണ് സൂര്യ എത്തുന്നത്
സിനിമയുടെ വിപുലമായ ക്യാൻവാസിലേക്കും നൂതനമായ ചലച്ചിത്രനിർമ്മാണ വൈദഗ്ധ്യത്തിലേക്കും ഒരു വിസ്മയകരമായ കാഴ്ചയാണ് നൽകുന്നുത് .ഈ ബിഗ് ബജറ്റ് പ്രോജക്റ്റിൽ ഒരു സുപ്രധാന വേഷത്തിൽ എത്തുന്ന ബോളിവുഡ് താരം ദിഷ പടാനിയുടെ സാന്നിധ്യം ചിത്രത്തിന്റെ ആകർഷണം വർദ്ധിപ്പിക്കുന്നു. സ്റ്റുഡിയോ ഗ്രീനും UV ക്രിയേഷൻസും ചേർന്ന് നിർമ്മിക്കുന്ന, ‘കങ്കുവ’ ഏകദേശം 350 കോടിയുടെ ഒരു ബിഗ് ബഡ്ജറ്റാണ് എന്നുള്ളത് ചിത്രത്തിന്റെ നൂതനമായ നിർമ്മാണ പ്രവർത്തനത്തിന്റെ തെളിവാണ്.ദേശീയ അംഗീകാരങ്ങൾ നേടിയിട്ടുള്ള സംഗീത സംവിധായകൻ ദേവി ശ്രീ പ്രസാദ് ചിത്രത്തിന്റെ സംഗീതത്തിനു നേതൃത്വം നൽകിയിരിക്കുന്നത് . ഛായാഗ്രഹണ സംവിധായകൻ വെട്രി പളനിസാമിയാണ് ദൃശ്യവിസ്മയം ഒരുക്കിയിരിക്കുന്നത്. മലയാളത്തിലെ എഡിറ്റിംഗ് വിദഗ്ദനായ നിഷാദ് യൂസഫാണ് ഈ ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത്.
