മലയാളത്തിലെ മുൻനിരയിൽ നിൽക്കുന്ന യുവതാരങ്ങളിൽ ഒരാളാണ് പൃഥ്വിരാജ്, നടനിൽ ഉപരി ഒരു മികച്ച സംവിധായകൻ കൂടിയാണ് പൃഥ്വിരാജ് എന്നും തെളിയിച്ചിരിക്കുകയാണ്. ആദ്യമായി സംവിധാനം ചെയ്ത ലൂസിഫര്‍ മലയാളത്തിലെ ഇന്‍ഡസ്ട്രി ഹിറ്റായി മാറിക്കഴിഞ്ഞു, അടുത്തിടെ താരത്തിന്റെതായി ഇറങ്ങിയ ഡ്രൈവിംഗ് ലൈസെൻസ്, അയ്യപ്പനും കോശിയും എന്നി ചിത്രങ്ങൾ തീയേറ്ററുകളിൽ വൻ തരംഗമാണ് സൃഷ്ട്ടിച്ചത്. ആടുജീവിതമാണ് അടുത്തതായി വരാൻ ഇരിക്കുന്ന താരത്തിന്റെ ചിത്രം, പൃഥ്വിരാജൂം കുടുംബവും സോഷ്യൽ മീഡിയിൽ വളരെ സജീവമാണ്, ഇപ്പോൾ തിളങ്ങുന്ന താരം ഇവരുടെ മകൾ അലംകൃത എന്ന അല്ലി കുട്ടിയാണ്, അല്ലി വരച്ച ചിത്രങ്ങളും എഴുത്തും പൃഥ്വിരാജ് സോഷ്യല്‍ മീഡിയയില്‍ പങ്കുവെച്ചിരുന്നു.
ഇന്നലെയായിരുന്നു താരപുത്രിയുടെ ഏഴാം പിറന്നാള്‍. നിരവധി താരങ്ങളും ആരാധകരുമാണ് അല്ലിയ്ക്ക് ആശംസയുമായെത്തിയത്. ഇപ്പോഴിതാ ജന്മദിനത്തില്‍ ആശംസകളറിയിച്ചവര്‍ക്ക് നന്ദിയറിയിച്ചുകൊണ്ടുള്ള അല്ലി മോളുടെ സന്ദേശം എത്തിയിരിക്കുകയാണ്.
‘എല്ലാവരുടെയും സ്നേഹത്തിനും അനുഗ്രഹങ്ങള്‍ക്കും നന്ദി, മികച്ചൊരു ജന്മദിനമായിരുന്നു ഇത്,’ എന്ന് അല്ലി ശബ്ദ സന്ദേശത്തില്‍ പറഞ്ഞു. ഇന്‍സ്റ്റഗ്രാമില്‍ സുപ്രിയയാണ് ഈ ശബ്ദസന്ദേശം പങ്കുവച്ചത്. ‘നിങ്ങളുടെ സ്നേഹത്തിനും അനുഗ്രഹങ്ങള്‍ക്കും എല്ലാവര്ക്കും നന്ദി! അല്ലിക്ക് ഒരു മികച്ച ജന്മദിനമായിരുന്നു ഇത്!,’ എന്ന അടികുറിപ്പോടെയാണ് സുപ്രിയ സന്ദേശം പങ്കുവെച്ചത്.ഇതാദ്യമായാണ് അലംകൃതയുടെ ശബ്ദം പുറത്തുവിടുന്നത്. അപൂര്‍വമായി മാത്രമാണ് സുപ്രിയയും പൃഥ്വിരാജും മകളുടെ ചിത്രം പങ്കുവെയ്ക്കുന്നത്. എന്നാല്‍ ഇന്നലെ വ്യത്യസ്തമായി മകളുടെ മുഖം ശരിക്കും കാണുന്ന ചിത്രം തന്നെയായിരുന്നു ഇരുവരും ആശംസ അറിയിച്ചുകൊണ്ട് പങ്കുവെച്ചത്.
https://www.instagram.com/p/CTkQT4yJ17p/?utm_source=ig_web_copy_link
